شهر أبريل يودعنا، وكلنا نعرف وش يعني هذا.. الصيف والحر جاينك في الطريق! قبل ما نقفل على أنفسنا في المكيفات ونبدأ نخطط لسفرات الصيف الخارجية، فيه فرصة ذهبية أخيره تستغل فيها “الجو الزين” وتطلع ويكند يغير نفسيتك.
إذا كنت تدور أماكن سياحية في السعودية تتميز بالجو الحلو والمناظر اللي تفتح النفس في هذا الوقت من السنة، جهزنا لك في رابح قائمة بـ 5 وجهات (يا تلحق عليها الحين، يا تنتظر للشتاء الجاي!).
1. الطائف (موسم الورد يودعك!)
شهر أبريل في الطائف مو مجرد جو بارد، هذا وقت موسم الورد الطائفي! الهدا والشفا الحين في أبهى حلة. الجو هناك بالليل يميل للبرودة (يعني يبيلك جاكيت خفيف)، والصباح ريحة الورد تعطر المكان.
-
وش تسوي هناك؟ زيارة مزارع ومصانع الورد، ركوب التلفريك، وكشتة شواء في جبال الشفا مع العائلة.
2. العلا (النداء الأخير قبل الحر)
العلا من أجمل الـ أماكن سياحية في السعودية، لكن بالصيف تصير حارة جداً. هذا الوقت هو النداء الأخير لزيارتها. الجو بالنهار دافي وممتاز للتصوير، وبالليل خيال!
-
وش تسوي هناك؟ جلسة رايقة عند جبل الفيل، جولة في البلدة القديمة، وتأمل النجوم في سماء صافية بعيدة عن إزعاج المدينة.
3. أملج (مالديف السعودية)
تبي بحر صافي ورمل أبيض قبل ما ترتفع نسبة الرطوبة في الصيف؟ مالك إلا أملج. الجو الحين مثالي للسباحة والأنشطة البحرية بدون ما تنحرق من الشمس.
-
وش تسوي هناك؟ استأجر قارب مع الشباب أو العائلة، خذ جولة بين الجزر البكر، وغوص أو سنوركلينج عشان تشوف الشعب المرجانية اللي ما لها مثيل.
4. أبها وعسير (الهروب الدائم)
أبها هي الوجهة اللي ما تخذلك أبد! بس ليش تزورها الحين؟ عشان تتجنب “الزحمة المليونية” اللي بتصير في الإجازة الصيفية. الحين تقدر تستمتع بقرية رجال ألمع، وشارع الفن، وجبال السودة برواقة وبدون طوابير.
-
وش تسوي هناك؟ فطور شعبي (عريكة ومقلقل) على مطل السحاب، وطلعة تلفريك، وتصوير الطبيعة الخضراء اللي ترد الروح.
5. حافة العالم – الرياض (قبل ما تصير فرن)
لأهل الرياض اللي ما يبون يسافرون بعيد، حافة العالم (جبل فهرين) هي وجهتكم للويكند هذا. بعد شهر من الآن، الطلوع لهالمكان بيصير متعب جداً بسبب الشمس. استغلوا الأجواء الحالية لطلعة هايكنج خفيفة تشوفون منها غروب شمس أسطوري.
-
وش تسوي هناك؟ هايكنج، تصوير بانورامي يقطع الأنفاس، وجلسة شاي وقهوة على حافة الجبل.
نصيحة رابح لطلعة ما تنرّد
قبل لا تدق السلف وتمسك الخط، تأكد إن عزبتك جاهزة! لا تشتري أغراض الكشتة والرحلات بالسعر الكامل. ادخل موقع نون أو أمازون، وجهز خيمتك، وكراسي الرحلات، وثلاجة القهوة، واستخدم أكواد خصم رابح عشان توفر فلوس البنزين وتطلع كشتتك بأقل تكلفة!
وش تنتظر؟ جهز الشنطة، الجو الزين ما يستنى أحد!
