قائمة تجهيز المواليد الذكية: وش تشتري ووش اللي ما له داعي؟

ألف مبروك! خبر الحمل هو أجمل خبر، لكن بعد الفرحة يجي سؤال: وش أشتري للبيبي؟. تدخلين مواقع التسوق أو تتابعين المشاهير، وتشوفين قوائم لا تنتهي: جهاز تسخين المناديل، سلة حفاضات ذكية، وجزم ماركات لبيبي عمره يوم!

الحقيقة المرة؟ نص هالأشياء راح ترمينها أو تتصدقين فيها وهي جديدة ما انلمست. البيبي يكبر بسرعة (اسرع مما تتخيلين)، واحتياجاته في الشهور الأولى بسيطة جداً: نوم، أكل، ونظافة.

في رابح، سوينا لك فلترة للقائمة. هذي الأشياء اللي فعلاً تحتاجينها، وهذي الأشياء اللي (وفري فلوسك فيها).

1. الملابس: فخ مقاس حديث الولادة

أكبر غلطة تطيح فيها الأمهات: شراء كميات كبيرة من مقاس حديث الولادة

• الواقع: البيبي يلبس هذا المقاس لمدة أسبوعين أو شهر بالكثير، وبعدها يضيق عليه!

• نصيحة رابح:

  • ركزي على مقاس (0-3 شهور) هو اللي يكد معك.

  • اشتري 6-8 بربتوزات داخلية قطنية مريحة.

  • ابتعدي عن الجينز والفساتين المنفوشة في أول 3 شهور (غير مريحة للبيبي وتتعبك في التغيير).

  • أفضل المتاجر: مذركير لجودة القطن، والعيسائي  للاستخدام اليومي.

2. الحفاضات والحليب: اشتري كرتون ولا تشتري كيس

هذي هي الثقب الأسود للميزانية. البيبي يستهلك 8-10 حفائض يومياً!

• لا تشتري من البقالة: الكيس الصغير سعره غالي جداً مقارنة بالكمية.

• الحل: اطلبي الصندوق العائلي  من أمازون أو تطبيق النهدي وقت العروض.

• نصيحة: لا تكثرين تخزين مقاس (1)، انتقلي لمقاس (2) بسرعة.

3. التنقل والنوم: استثماري في الأمان

هنا لا تدورين الأرخص، دوري الأأمن والأطول عمراً.

• عربة الطفل: خذي نوع خفيف  يسهل طيّه بيد وحدة.

• كرسي السيارة: ضروري جداً من أول يوم خروج من المستشفى.

• من وين؟ موقع نون عندهم خيارات ممتازة، واستخدمي كود الخصم عشان ينزل لك مبلغ محترم (لأن أسعار العربات غالية).

4. قائمة ما له داعي (وفري فلوسك هنا!)

هذي الأشياء شكلها حلو في الصور، بس عملياً؟ مالها لزمة:

1. طاولة تغيير الحفاضات: ضخمة وغالية. البديل؟ اشتري إسفنجة تغيير بـ 50 ريال وحطيها فوق أي خزانة عندك.

2. جهاز تسخين المناديل المبللة: البيبي ما يفرق معه حرارة المنديل!

3. أحذية المواليد: البيبي ما يمشي! الشرابات أدفأ وأريح وأرخص.

4. ملابس الماركات الغالية: حرام تدفعين 500 ريال في قطعة بيلبسها مرتين وتصغر عليه. خلي الماركات لعمر السنة وفوق.

5. صيدلية البيبي: جهزيها قبل الولادة

لا تنتظرين البيبي يسخن عشان تدورين مقياس حرارة.

• اطلبي من النهدي أونلاين واستخدمي الكود:

  • مقياس حرارة (يفضل براون للأذن).

  • خافض حرارة (فيفادول/أدول) بقطارة.

  • كريم سودو (لالتهاب الحفاضات).

  • شفاط الأنف (للزكام).

الخلاصة: حبك أهم من أغراضك

البيبي يحتاج حضنك، ريحتك، واهتمامك أكثر من حاجته لسرير بـ 3000 ريال.

1. اكتبي قائمتك.

2. اشطبي الكماليات.

3. استخدمي أكواد الخصم من رابح في.

أمومة سعيدة.. وميزانية مرتاحة!